كرسى الاعتراف (( هاتعد يعنى هاتعد )) ماتحولش

إزيكم يا احلى بنات انا حبة نفرفش شوية بلعبة كدة
النهاردة جاية لكم بموضوع أو لعبة _زي ما تحبو_ عشان تزيد معرفتنا أكتر ببعض وكمان يزيد ترابطنا وكمان اللي عايزة لها صديقات تلاقي إن شاء الله

المهم ... اللعبة دي اسمها ( كرسي الاعتراف) وفكرتها: إن أخت من الأخوات تقعد على كرسي الاعتراف ودة طبعا بعد انتخابها _يعني معنى كدة هيكون فيه انتخابات وترشيح بس هتكون انتخابات حرة ونزيهة و إن شاء الله مافيهاش تزوير_...هههههههههههههه

والأخت دي تقعد ع الكرسي لمدة أسبوع _ ولو حابين تعاقبوها بقى وتقعدوها أكتر من كدة أنا ماعنديش مانع_ ومهمتها إن هي تجاوب على كل أسئلة الأخوات اللي هيسألوها وتعترف بكل حاااااااااجة مطلوبة منها

ودور كل واحدة فينا بقى إن هية ما ترحمش الأخت دي من الأسئلة وتسألها في كل حااااااااجة وعن أي حاجة ولازم الأخت اللي قاعدة ع الكرسي تجاوب على كل الأسئلة اللي مطلوبة منها_ بس بقى بما إننا في عصر الديمقراطية ممكن الأخت ترفض الإجابة على سؤال واحد بس من الأسئلة اللي في المشاركة الواحدة _

ودلوقت بقى باب الترشيح مفتوح ولمدة يومين فأي حد عايز يدخل الانتخابات يتفضل وباب الترشيح مفتوح لأي أخت بدون أي شرط والعضوات اللي مش عايزين يرشحوا نفسهم يدخلوا ويختاروا عضوة واحدة بس

يلا بقى ماتكسفونيش وادخلوا الانتخابات وشاركوا في اللعبة ولو في أي حاجة مش فاهمينها اسألوا عنها.....ويااااااااااااااااارب تكون اللعبة عجبتكم
واللى اكتر واحدة هيكون متصوت ليها اقولها تعد ع الكرسى وانتوا عليها يا بنات

فكرة جمدة اوى و اكيد معاكم يا جميل